والله ندمة

قصيدة الفها الشاعر على قصة تاثر بيها
قصة بنية وولد واحد يحب الثاني والبنية كلما تنخطب ترفض لاجل الولد
والولد كمل الكلية وتحسنت احوالة وللاسف ماتزوجها تزوج غيرها
فمرت ايام وراحت ايام تلاكو الولد وية البنية
فالبنية ماكالت للولد غير والله ندمة
فالشاعر انعجب بالمفردة وانعجب بالقصة وجسدها بقصيدة تكول
والله ندمة
مات جوة الكاع حبك من عكب ماجان نجمة
وشرجي صار العمر بعدك يل جنت بايامي نسمة
احنا سبحة وطش خرزها وما نرد هيهات لمة
دنيا جذابة ووكيحة وهالوكت ماعندة ذمة
واني حزني الي جان جاهل من هجركم صار زلمة
والله ندمة
بية وصلت انسة اسمي ومانسيت بيوم اسمة
وروحي بيني وبينة صارت لاهية يمي ولاهية يمة
شما اريد الزمها عنك روحي ماتنطيني لزمة
والله ندمة
حصدو ببستان وردك واني حصرة علية شمة
وكالو المقسوم يحصل وانتظر تجمعنا قسمة
ولو سمعت جدام مرت كلبي فرفح كال جدمة
والله ندمة
حسبت يذكر محبتي وبالبواجي عيونة تعمة
ومن ينام بغير حظني يصير تابوت على جسمة
بطلت عينك بواجي ورضت بشفافك البسمة
والله ندمة
شمعي نورتة بطريقك وانتة شمعاتك مظلمة
وكلي يانوم الي انامة وياحلم كلي الي احلمة
كافي وانساهم ياكلبي وذولة مو وجوه نعمة
تكتب بدمك رسايل للي مايسوالة كلمة
وبعد لاتحمدلك احد تالي هم تحتاج ذمة