صندوق الدنيا

قرب -- قرب -- قرب
افتح راديو -- شوف تلفزيون
هتلاقى الهم مالى الكون
طفل رضيع ابن ست شهور
جاتله الدانه جتله ف قلبه طفت نوره
وامتى نكشف ع المستور
ونقول ياعالم اصحى وارجع
للدستور --
دستور مش من صنعك ولا مين كتبك
دستور ربك واضعه لعبده
ان الطفل ليه يموت
دا لسه بيحلم بدنيا الحب
دنيا الود
دنيا مفيهاش لا لعب ولاجد
دنيا كلها احلام
ليه موتو فيك الحلم
ليه موتو فى قلبك السلم
يااه على وشه اه من جرحه
اه من قلب انفطر على طفل انقتل
واتفرج ياسلام على مسلسل الزمان
اللى الدم بقى هو الحل
وان السلم بقى اصعب حل
افرجها يارب
ارحمنا يارب