♪♫◙ الوردة الحمراء ◙♫♪
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

ابوذيااااااااااااااات

2 مشترك

اذهب الى الأسفل

ابوذيااااااااااااااات Empty ابوذيااااااااااااااات

مُساهمة  قلبك وين وديتة؟ الثلاثاء فبراير 26, 2008 8:23 pm

اهلك من حلاة البيك ميتين
وخدك ماي مشمش وعليه مي تين
واليضوكك سكرة يرتفع ميتين
وانا من اضوكك يوصل التسعمية....
___________________________
انه بجفني وانتة عالكاع دكيت
ولا دكة تذل بالناس دكيت
بعدني ماطحت وانتة طبول دكيت
شد وصلة بعد واركص عليه....
___________________________
سكر كاس الخمر من ضاك نفسك
اكو مثلك حلو بس ماكو نفسك
اريدك ياحبيبي تبوس نفسك
وبداخلك تنويهة اليه.....
___________________________
علامة حاربي الدهر علامة
وخلة بضلعي علامة
لو اني الساهر لو راغب علامة
جان بجة وانكسر كلبة عليه....
___________________________
الف وسفة الدهر عنك بعدني
اموت وارتجي لوصلك بعدني
تراني على الوعد باقي بعدني
وتراك انتة الهوى والروح الية....
___________________________
تدري شكد الك كلبي والعظام
صغار جروحي يهونك والعظام
اموت واندفن واعتك والعظام
يزحفنلك زحف لو صحت اليه....
___________________________
احباب الروح كلبو فرد كلبه
وهمنا بلون نص اليل كلبه
دفعني وانكلبت شلون كلبه
سحكني ومن عثر ظل يسب بيه....
___________________________
شفافك عسل وحصتي مرة منهن
وكطعني سلاي سهمك مرة منهن
جم مرة لحكتك ومرة منهن
مو انتة الطلعت وشصار بيه....
___________________________
الظلم والجور دنيانا لغمها
وصفت طوع الامر هسة لغمها
وحياتي من صفت هيج لغمها
واغم هيج عمر باثنين ايدية....
___________________________
الك ياما تعبت والك داريت
تلاكينا شجاك الوجه داريت
احتركت وصحت باسمك ليش داريت
علي نفطك وانا النيران بيه....
___________________________
ياصاحب ليش كلبك علي مالان
من شاف الليالي وياك مالان
صدك مااجيلك بعد مالن
تجيلي وتعتذر وتبوس ايديه....
___________________________
ازيدك بالجمع وانتة تصير ناقص
يفيض عليك نهري وانتة ناقص
مثلك بالبشر ماشفت ناقص
نذل بالذات واطباعك ردية....
___________________________
وحك هموم البصدري والكراب
الماي بغيبتك صدك والك راب
الي رب اليصبرني والك رب
يسامح من كطع الوصل بيه....
___________________________
زماني لو وكف وياك وكفه
شنو رايك باليحب شوفتك وكفه
كتلة استريح كال ارجوك وكفه
وطول الحلو شو عم عليه....
___________________________
سلالتكم نسب يوسف نسبها
والدنيا من غير عيونك نسبها
الناس 100%نسبها
وانتة نسبه جمالك 700
___________________________
قلبي تداين ورقة منك
لان ماكو بجمالك وارقى منك
لاسجلك انتة الاول وارقمنك
واكتب لافتة محجوز اليه....
___________________________
قلبك وين وديتة؟
قلبك وين وديتة؟

عدد الرسائل : 17
العمر : 31
الموقع : الكرادة
تاريخ التسجيل : 25/02/2008

الرجوع الى أعلى الصفحة اذهب الى الأسفل

ابوذيااااااااااااااات Empty شكرااااااا

مُساهمة  الخنجر الذهبي الخميس فبراير 28, 2008 6:01 pm

يسلمووووووووووووووووووووووووووووووو

الخنجر الذهبي

عدد الرسائل : 15
تاريخ التسجيل : 26/02/2008

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى